Charissimo Filio &c.
Pater & Mater &c.
funebrem tabulam curavimus.
html.skin-theme-clientpref-night @media(prefers-color-scheme:dark){html.skin-theme-clientpref-os }Age Marmor, & pro solita tua humanitate,
(Ne inter Parentum Dolorem & Modestiam
Supprimantur præclari Juvenis meritæ laudes)
Effare Johannis Trotii breve Elogium.
Erat ille totus Candidus, Politus, Solidus,
Ultra vel Parii Marmoris metaphoram,
Et Gemmâ Sculpi dignus, non Lapide:
E Schola Wintoniensi ad Academiam Oxonii,
Inde ad Interioris Templi Hospitium gradum fecerat:
Summæ Spei, Summæ Indolis, ubique vestigia reliquit;
Supra Sexum Venustus,
Supra Ætatem Doctus,
Ingeniosus supra Fidem.
Et jam vicesimum tertium annum inierat,
Pulcherrimo undequaque vitæ prospectu,
Quem Mors immatura obstruxit.
Ferales Pustulæ Corpus tam affabre factum
Ludibrio habuere, & vivo incrustarunt sepulchro.
Anima evasit Libera, Æterna, Fælix,
Et morti insultans
Mortalem Sortem cum Fœnore accipiet.
Nos interim, meri vespillones,
Parentes Filia extra ordinem Parentantes,
Subtus in gentilitio crypta reliquias composuimus,
Ipsi eandem ad Dei nutum subituri.
Natus est &c. Mortuus &c. reviviscet
Primo Resurrectionis.