Wol vf vn̄ hin·
ſwer nv reien kvnne·
vns wil komē gv̊t gewin·
von manigerhande wūne·
froͤit úch gegē deſ meien zit·
lat den ſtrit·
winder var vō hinnē·
wir ſin des ſvmers woꝛdē innen·
Ir geſpil·
gab ir des antẃrte·
ſi ſp̋ch voꝛ nieman ich dc hil·
ſwēne ich mich gegúrte·
in einen boꝛten dc iſt ſleht·
ſo dvnke ich mich
ſo reht wol geſchaffen
ich wil einen edeln kneht·
dehein goſbꝛeht
kvmt zv̊ minē libe·
mich mache ein edel kneht ê· zeinē wibe·
Wirt mir ein edel kneht·
oder ein ritt̾ zeteile·
einē geburē bin ich dānoh reht·
wc ſchat dc minē heile·
dc ich noh bin ane man·
richer wan
dvnket mich noch weger·
danne armes lon enphan·
waſ hulfe mich ein treger·
dar an legt ich niht minē flis·
min lip wis·
mvͤſt mich iem rúwē·
ſold er mir niht hohgemvͤte bꝛúwen·