Wol dir ſvmer wie dv hereſt·
heide vn̄ ǒch den gruͤnē walt·
wie du kleinen voglin mereſt·
hohe ir ſtīme manicvalt·
da vō git dir froͤide ir ſingen·
vf dem b̾ge vn̄ in dem tal·
ſwa man ſv̊ſſe hoͤꝛe erklingen·
ir vil wūneklichē ſchal·
Wenne ſol ein lieblich grvͤſſen·
mir vil ſendē werden kvnt·
vō ir dú mir ſwere bvͤſſen·
mag vn̄ ir vil roter mvnt·
mir kan niemā trurē ſwendē·
wan ir liehter munt vil rot·
ir troſt mv̊s mir helfe ſendē·
alde ich ſtirbe in ſender not·
Swie dú welt an froͤidē ſwache·
doch mag ich der frowē min·
niht v̾geſſē ſwie ſi mache·
dc ich mv̊s in ſoꝛgē ſin·
wēne wil ſi troſt erzeigē·
mir genadeloſen man·
danne wolt ich trurē neigē·
deſ ich leider ſvs niht kan·