Wol dir meie wol dir wunne·
du froͤist aber dú vogellin·
we im der dir leides gvnne·
vnd mit valsche gedenke min·
nît vnd has· ist nv genême·
der mv̊s mir sin wider zême·
frowen grůs mir tête bas·
Nv ist bekleidet wol dú heide·
liehter varwe wunneklich·
walt vnd ǒwe grůnent beide·
meîe dú bist froͤiden rich·
swer nv wil· die zit vertriben·
der sol dienen werden wiben·
wibes lǒn git froͤiden vil·
WIl div minnekliche reine·
so froͤit sich min sender lib·
vnd wirt truren von mir kleine·
troͤstet mich ir selig lib·
al min not· vnd mine swere·
swendet vil dú lobebere·
256r vnd ir svͤssez múndel rôt·