Wol dir meie wol dir wūne·
du froͤiſt aber dú vogellin·
we im der dir leideſ gvnne·
vn̄ mit valſche gedenke min·
nît vn̄ has· iſt nv genême·
d̾ mv̊s mir ſin wid̾ zême·
frowē grůs mir tête bas·
Nv iſt bekleidet wol dú heide·
lieht̾ varwe wūneklich·
walt vn̄ ǒwe grůnent beide·
meîe dú biſt froͤidē rich·
ſwer nv wil· die zit v̾tribē·
d̾ ſol dienē w̾dē wibē·
wibes lǒn git froͤiden vil·
WIl div mīnekliche reine·
ſo froͤit ſich min ſender lib·
vn̄ wirt trurē vō mir kleine·
troͤſtet mich ir ſelig lib·
al min not· vn̄ mine ſw̾e·
ſwendet vil dú lobeb̾e·
256r vn̄ ir ſvͤſſez múndel rôt·