Wir ſvn hohen mv̊t enpfahē·
beide frowē vn̄ man·
trurē dv ſolt vō mir gahē·
ſit dc ich geſehē han·
deſ vil liehtē meiē ſchin·
wan hoͤꝛt in den ǒwen ſingen· dú vil kleinú vogellin·
Dú vꝛoͤwēt ſich der ſpilndē ſvnnē·
ſwa ſi voꝛ dem berge vf gat·
wc gelichet ſich d̾ wūnen·
da ein roſe ī tǒwe ſtat·
niemā dāne ein ſchoͤneſ wib·
dú mit rehter wibeſ gvͤte wol kā zieren irn lib·
Lieb dc hebt ſich ī den ǒgen·
vn̄ gat in dc h̾ze min·
ſo ſpꝛichet lieb zeliebe tǒgen·
lieb wā ſolt ich bi dir ſin·
diſú liet dú hat geſvngē in voꝛ dē walde ein vogellin·