Wir ſvln dē kochē ratē·
ſit es in alſo hohe ſte· dc ſi ſich niht v̾ſvmē·
dc ſi d̾ vúrſtē bꝛatē· ſnidē groſſer bc dāne ê·
doh diker eines tvmē·
ze kriechē wart eī ſpis v̾ſnittē·
dc tet ein hāt mit argē ſittē·
ſi enmoht es niem̾ han v̾mittē·
d̾ bꝛate wc zetúnne·
deſ mvͤze d̾ h̾re vúr die túr·
die fúrſtē ſazen an der kúr·
d̾ nv dc rich alſo v̾lur·
dē ſtvͤnde bc dc er me ſpiz gewūne·
Was erē hat vꝛo bone dc mā vō ir ſīgē ſol·
ſi rehtú vaſtē kv́we·
ſi iſt voꝛ vn̄ nach d̾ none vúl vn̄ iſt d̾ wibel vol·
wā erſt ī der núwe ein halm iſt creſtet vn̄ gv̊t·
wc er vnſ allē liebes tůt·
er froͤit eil māigem ſinē mv̊t·
wie dāne vmbe ſinē ſamē·
vō graſe vn̄ vō halme z ſtro·
er machet māig h̾ze vꝛo·
er iſt gv̊t nid̾ vn̄ hoͤhe·
frowe bone ſi lib̾a nos a malo·