Willekomen si dú zit·
vil wunneklich·
dú mit gelfen kleiden hat·
gezieret anger vn plan·
heide in liehter varwe lit·
si gestet sich·
mit rilicher svmer wat·
wan siht den walt gelǒbet stan·
da dú liebe nahtegal ir sanc·
lute doͤnet sunder
wunderlicher stimme klanc·
erhillet da·
blv̊men rot gel vnd bla·
siht man durh gruͤnes gras vf gan·
Froͤiwe sich ein selig man·
der minnen krenket aber als ê·
lieb nach liebe liebes gan·
von herzen wol·
vnd swendet sinú leit·
alsam dú svnne kalten sne·
swa des liehten meien blv̊t·
durh dv́ spilnden ǒgen
tǒgen lachet in den mv̊t·
da geilent wib·
minnegernder manne lip·
alsam dc tǒ den gruͤnen kle·