Willekomē ſi dú zit·
vil wūneklich·
dú mit gelfen kleidē hat·
gezieret ang̾ vn plan·
heide in liehter varwe lit·
ſi geſtet ſich·
mit rilicher ſvm̾ wat·
wan ſiht den walt gelǒbet ſtan·
da dú liebe nahtegal ir ſanc·
lute doͤnet ſunder
wūderlicher ſtimme klanc·
erhillet da·
blv̊mē rot gel vn̄ bla·
ſiht man durh gruͤnes gras vf gan·
Froͤiwe ſich ein ſelig man·
der mīnen krenket aber als ê·
lieb nach liebe liebeſ gan·
vō herzē wol·
vn̄ ſwendet ſinú leit·
alſam dú ſvnne kaltē ſne·
ſwa des liehten meien blv̊t·
durh dv́ ſpilndē ǒgē
tǒgen lachet in den mv̊t·
da geilēt wib·
mīnegernd̾ manne lip·
alſam dc tǒ dē gruͤnen kle·