Wie mag mir ſo liep geſin·
ein wib d̾ ich vnmere bin·
wil dú libú frowe min·
hat min beſten froͤide hin·
wil ſi mir mag truren ſwinden·
lat ſi mich genade v́nden·
ich bin vꝛo da bi gemeit·
wil dú liebe ich han ǒch kvmber vn̄ leit·
Minne vn̄ ǒch vnminne hat·
min frowe dú mir truren git·
ir v̄mīne mir niht lat·
ir mīne an der min froͤide lit·
teilte min gebiet̾inne·
mir ir mīnekliche minne·
ſo wer al min truren hîn·
ir vnmīne machet das ich trurig bin·