Wie mag mir so liep gesin·
ein wib der ich vnmere bin·
wil dú libú frowe min·
hat min besten froͤide hin·
wil si mir mag truren swinden·
lat si mich genade v́nden·
ich bin vro da bi gemeit·
wil dú liebe ich han ǒch kvmber vnd leit·
Minne vnd ǒch vnminne hat·
min frowe dú mir truren git·
ir v̄minne mir niht lat·
ir minne an der min froͤide lit·
teilte min gebieterinne·
mir ir minnekliche minne·
so wer al min truren hîn·
ir vnminne machet das ich trurig bin·