Were criſtes lon niht alſo ſvͤſſe·
ſo enlieſſe ich niht der lieben frowen min·
die ich in minem herzen dike gruͤſſe·
ſi mac vil wol min himelriche ſin·
ſwa dú gůte wone al vmbe den rin·
herre got ſo tv̊ mir helfe ſchī·
dc ich mir vn̄ ir erwerbe noch die hvlde din·
Sit er giht ich ſi ſin himelriche·
ſo habe ich in zv̊ gotte mir erkoꝛn·
das er niemer fůs von mir entwiche·
herre got la dirſ niht weſen zoꝛn·
erſt mir in den ougē niht ein doꝛn·
der mir hie ze froͤiden iſt geboꝛn·
kvmt er mir niht her wider min ſpilnde froͤide iſt gar verloꝛn·