Wahter ich bin komen (Mit aufgelösten Abbreviaturen)

Wahter ich bin komen·
vf genade her zv̊ dir·
nv gib mir rat wie stat es vmb die frowen min·
ich han vernomen·
wer sprichet hie ze mir·
bistvs der liebste man dv kanst ein teil zelange sin·
ia· ich bin den du da hohe enpfahen solt·
ich was dir ie mit gantzen trúwen rehte holt·
nv sage miner frowen das ich hie bin·
si ist so gůt si lat mich in·