We wie lange ſol ich ringen·
vmbe ein wib der ich noch nie woꝛt zv̊ geſpꝛach·
wie ſol mir an ir gelingen·
ſeht des wundert mich wan es ê niht geſchach·
dc ein man alſo tobt als ich tv̊n zaller zit·
dc ich ſi ſo h̾zeklichē minne vn̄ es ê nie gewůc vn̄ ir dient iemer ſit·
Ich weis vil wol dc ſi lachet·
ſwenne ich voꝛ ir ſtan vn̄ enweis wer ich bin·
ſa zehant bin ich geſwachet·
ſwenne ir ſchoͤne nimt mir ſo gar minen ſin·
got weis wol dc ſi noch minú woꝛt nie v̾nam·
wan dc ich ir diende mit geſange· ſo ich beſte kvnde vn̄ als ir wol gezam·
Owe des was rede ich tvmbe·
dc ich niht enrete als ein ſeliger man·
ſo ſwige ich rehte als ein ſtvmme·
der vō ſiner not niht geſpꝛechen enkan·
wan das er mit der hant ſinv́ woꝛt túten mv̊s·
als er zeige ich ir min wundeſ herze vn̄ valle fúr ſi vn̄ nige vf ir fůs·