We warvmbe trurēt ſie·
die bi liebe habent gelegē·
ia vꝛoͤwe ich mich vn̄ ich doch nie·
lieb gewā noh ſolhē ſegē·
den lieb nah leide tůnt mit ſendē ſoꝛgē·
ſo ſi ſcheident ſich·
ſo ſlaf aber ich vnz an dē moꝛgē·
dc niemā ſpꝛichet frúnt got ſegē dich·
Frowē diene ich vnv̾zaget·
owe toꝛſt ich loneſ gern·
ia fúrhte ich ob ſi mir v̾ſaget·
dc ich mvͤſſe ir hvlde enbern·
ir frúntſchaft wil ich g̾ne alſo behaldē·
dāne ich hete ir has·
deſ mv̊ſ ich iem̾lichē aldē·
ia en dien ich v̄be dc·
Was hilfet dc ich kriege dar·
vn̄ krenke minē lib·
ſi nimt min alzeklene war·
dú mir iſt vúr ellú wib·
meinet 161v min frowe als ich ſi meine·
ſo wirt mī gůt rat·
min dieneſt dvnket ſi zekleine·
da ſetze ich gv̊ten willen fúr die tat·