Was kan wibe vnd wibes eren·
vnd ir gvͤte sin gelich·
die es ze gv̊te wellen keren·
dan ist niht so seldenrich·
ob dc iender wirt gekrenket·
dc liht einú missetůt·
swer da krankes zv̊ gedenket·
allen wiben dast niht gvot·
Svln die alten fúr die ivngen·
froͤide gern dc missezimt·
da ist des rehtes reht verdrvngen·
swa dis vnweger fúr genîmt·
doh wirt mit der weg schanze·
manig wetlich spil verlorn·
vnd an trvgelichem glanze·
dike svr vúr svͤze erkorn·