Wvas iſt fúr das trurē gůt· das wib nach liebem manne hat·
gerne das min h̾ze erkande wā es ſo betwungen ſtat·
alſo redte ein frǒwe geneme·
vil wol ichs an ein ende keme
enwer dú hv̊te·
ſeltē ſin vergeſſen wirt in minem mvͤte·
Genv̊ge iehent dc grôſſe ſtete· ſi der beſten frǒwen troſt·
des enmag ich niht gelǒben ſit min h̾ze iſt vnerloſt·
alſo zwei geliebe ſpꝛachen·
do ſi vō ein ander mv̊ſten gahen·
owe minne·
der din ane moͤhte ſin das weren ſinne·
So al dú werlt růwe hat der mv̊s ich eine weſen fri·
dc kvmt vō einer frǒwen ſchoͤne der ich gerne w̾e bi·
an der al min froͤide beliben
mv̊s voꝛ allē w̾dē wibē·
vf der erden·
wes lie ſi got mir armen man zekale werden·