Was hat mich vf ſi gebundē·
vn̄ ich ir ſo v̾re bin·
do ſi min gedanke fundē·
ſa zehant bant die min ſin·
min moht ir niht entrinnē·
mī h̾ze mvͤze ǒch ſi mīnē·
moͤhte ich vliegē als ein ſneller valke ich wolte ǒch da hin·
Ich ſant vs dvr avētúre·
wilde gedanke in dú lant·
do bekam in dv́ gehivre·
die tet er dē ſinne erkant·
d̾ lie ſi mī h̾ze ſchǒwē·
do erkvrn ſú ſi ze frowē·
mit gemeinem mv̊te· mīne ſlôz ſi zů ir ſa zehant·
Moͤhtē ſiv ſich doch entſlieſſen·
wc ob eines dāne enwil·
nein ſú enmag da niht v̾dꝛieſſen·
ſú hant kurzewile vil·
wā ſi wúnſchēt ſuͤſiv mere·
dc dú liebe bi mir were·
ald ich bi ir· dc iſt in ein wūneb̾nde froͤide ſpil·
Was wil ſi da mit gewīnen·
dc ſi froͤide ſwendet deme·
d̾ ir niemer mag entrinnē·
ich fúrhte es ir miſſezeme·
ich wc vꝛi nv bin ich eigē·
ſi mag mich· wol weinē ſweigē·
ſwc ſi wil dc tv̊n ich· wā dc ich ein ander frowē neme·