Von vroͤiden froͤit min herze sich·
swenne ich die froͤiderichen sihe·
ê doch dar vnder twinget mich·
ein leit des ich dvr not vergihen·
ist si schoͤne vnd ist si gv̊t·
dest wirs tv̊t mir ir versagen·
wer si alt arm vnd vngemv̊t·
so moͤht ich si wol verklagen·
Mir ist dc ofte vor gesaget·
dc ich gerne dienen wil·
verdulte mir ein svͤze maget·
dc ich ir teilte vor ein spil·
widersprehe si danne dem teil·
niht so solde er stete sin·
niemer wirde ich doch ir schimpfes geil·
dú so hat geschinpfet min·