Uil lieber frúnt dc iſt ſchedelich·
ſwer ſinen frúnt behaltet dc iſt lobelich·
die ſitte wil ich minnē·
bitte in dc er mir holt ſi als er hiē bi voꝛ was·
vn̄ man in was wir redeten· do ich in zeivngeſt ſach·
Wes manſt dv mich leides min vil liebe·
vnſer zweier ſcheiden mvͤſſe ich geleben niet·
v̾luſe ich dine minne· ſo lâſſe ich die lúte wol entſtan·
dc min froͤide iſt der minniſt vn̄ alle andere man·