Tǒgenlichen lag v̾boꝛgen·
bi liebe ein riter wol gemv̊t·
da von pflag der wahter ſoꝛgen·
er ſang ſwer hie lit vm behv̊t·
ob der behalten wil den ſinē lip·
ſo weke in minneklichē reine wib·
er iſt ze lange hie gelegen·
da vō ſo gebe er dir den moꝛgen ſegen·
Des erſchꝛag dv́ mīnekliche·
ſi daht owe der leiden zit·
erſt entſlafen ſenftekliche·
der hie an minē arme lit·
den wil der liehte tag vō mir v̾iagē·
da vō mv̊s ich an froͤiden gar v̾zagē·
ſi kvſt in ſlafent an den mvnt·
vn̄ ſpꝛach der wahter tůt dē moꝛgē kvnt·
Da wart ir der kvs v̾golten·
ein widerkúſſen da geſchach·
Ach ſi lagē als ſi ſoltē·
dv́ frowe vs rotem mv̄de ſpꝛach·
tv̊ ritters ere an mir vil ſendē ſchin·
er ſpꝛach vil h̾ze liebe frowe min·
ich wil dir mīne froͤide lan·
ſich lieb dv́ ſol dir hie ze pfande ſtan·