Swēne d̾ mane ringet·
dc er heiſſet 415r meie·
ſo iſt dú zit vol wūne·
ſo groſ iſt maht·
helfe git die ſinne·
dc kle gras vf dꝛinget·
froͤide māger leie·
kvmt tag vn̄ naht
dē vil w̾den·
die ſich vf d̾ erdē·
froͤlich bildē·
froͤide ſchúhe die des niht getruwē dē vil mildē·
got d̾ alle die gewert·
wūne ſw̾ nach liebe gert·
soꝛge mv̊z in wildē·
Alle zwiuelere·
d̾ froͤide iſt v̾waſſen·
d̾ iſt mīne vn̄ ere·
niht lieb als dc gv̊t·
reine frowē here·
wúnſchet ī ſw̾e·
dē vf zwiuels ſtraſſen·
die hant zwiuels mv̊t·
ſvnder zwiuel· d̾ ein ſnodeſ zv́rnen niht v̾tribet·
ſoꝛgē wēken·
die deſ wol gedenkē·
frowe ere belibe·
deſ ich froͤidē ſicher bin·
mineſ h̾zē kv́nigẹin·
ſoꝛge vō mir tribe·
Gvͤtlich iſt ir gvͤte·
ſi iſt wiblich geſtellet·
gebe an ir perſone·
durh lieht vn̄ klar
rot wiſ ſchone·
gemiſchet ī bluͤte·
iſt ir varwe gelich·
dc iſt w̾lichē war·
lebt ich iem̾·
ich geſvnge niemer·
halb ir wirde·
ſit zwo gůte· frowen wol gemv̊te· ſi iſt dú vierde·
ſint ir tvſent ſi iſt ir ein
d̾ nie laſt̾ mal an ſcheī
dc iſt rich zimierde·