Swem von gůten wiben lieb geschiht·
der hat aller selden wol den besten teil·
wa geschach ieman so gůtes iht·
an in so lit der werlde wunne vnd ǒch ir heil·
wol im erst ein selic man·
der wol an in erwirbet pfliht·
froͤide der ir guͤte wunder geben kan·
Truren mv̊s ich svnder minen dank·
in der werlde were nieman gerner fro·
swc ich ie nah hohem mv̊te ranc·
dc hat mir min vngelinge erwendet so·
dc ich wene des engalt·
dc mich wan einer liebe twanc·
ald dc ich vf gv̊t gelinge was zebalt·