Swem vō gůten wiben lieb geſchiht·
der hat aller ſelden wol den beſtē teil·
wa geſchach ieman ſo gůtes iht·
an in ſo lit der werlde wūne vn̄ ǒch ir heil·
wol im erſt ein ſelic man·
der wol an in erwirbet pfliht·
froͤide der ir guͤte wund̾ geben kan·
Truren mv̊s ich ſvnder minen dank·
in der w̾lde were nieman gerner fro·
ſwc ich ie nah hohem mv̊te ranc·
dc hat mir min vngelinge erwendet ſo·
dc ich wene des engalt·
dc mich wan einer liebe twanc·
ald dc ich vf gv̊t gelinge was zebalt·