Swas ich nv ſinge·
dc iſt alles vmbe niht mir weis ſin nieman danc·
es wiget alles ringe·
dar ich han gedientet da iſt min lon kranc·
es iſt húre an genaden vnneher danne vert·
vn̄ wirt aber ein iar vil lihte kleines lones wert·
Wie der eines tete·
des frage ich ob es mit fůge mvge geſchehen·
weres niht vnſtete·
der zwein wibē wolte ſich fúr eigen geben·
beidú tǒgenliche ſpꝛechēt h̾re wurre es iht·
wan ſols dem man erlǒbē vn̄ den frowen niht·