Swar ich var vn̄ ſwas ich frowē han geſehen·
ſwas man ir tvgēde ſeit vn̄ vō ir ſchoͤne ſinget·
doch hoͤꝛe ich der reinen mīnenklichē iehen·
des beſtē wā dc mich ir gvͤte vnſenfteklichē twinget·
wol mich dc man der klaren giht·
dc ſi ſo vil der tvgende hat vn̄ da bi wiblich guͤte·
wol mich dc mā die ſchonē ſiht·
ſo gar an allen wandel leben des froͤit ſich min gemvͤte·
wol mich dc ich ſi mir zefrowē han erkoꝛn·
ſi reine fruht ſo ſvͤſſe ein lib wart nie geboꝛn·
wol mich ir tvgende ſo wol mich húte vn̄ iemer wol·
wol mich dc ich ſi han geſehen wol mich dc ich ir dienen ſol·