Svm̾lichú wūne·
zieret wol dē gruͤnen plan·
berg vn̄ tal· ſint bekleit·
nach dē tǒwe ſvnne·
meijē diſú kleid̾ ſneit
ſvnder wan· vber al·
ſwer wil bla rot gruͤn gel ſchowē·
vf dē anger in dē ǒwen·
der ſiht da wūnē vil·
Mīne twinget mir dē ſin·
wiblich guͤte· min gemuͤte zuket hin·
Swie vil meije bꝛinget·
froͤidē vn̄ ſin liehtē tage·
doch trure ich vō d̾ not·
dc mich mīne twīget·
vn̄ d̾ liebē mvnt ſo rot·
deſt min klage· ſich̾lich·
ich han ir dē mv̊t erzeiget·
dc ſich ir gebot neiget·
alſe min gir· ſvnd̾ wan·
Mīne twīget mir dē ſin·
wiblich guͤte· min gemuͤte zuket hin·
Mir iſt wol ze mv̊te·
ſwēne ich die vil liebē ſihe·
alle zit dvr dc iar·
dú vil reiie gv̊te·
tv̊t mich trurē dc iſt war·
ich v̾gihe ſvnder ſtrit
ſo ſi tůt· der not geliche·
ſā ich trure h̾zekliche·
ſoſt min mv̊t· froͤidē fri·
Mīne twinget mir dē ſin·
wiblich guͤte· min gemuͤte zuket hin·
Lieb la liebe w̾ben·
lieblich zwiſchēt mir vn̄ dir·
lieb la mich liep dir ſin·
la lieb niht v̾derbē·
liep vn̄ tv̊ mir helfe ſchin·
frowe mir· mīneklich·
ich bin ir ſo gar gebvndē·
dú mich twinget zallē ſtvndē·
dc ſi mir niht den ſin·
Mīne· twīget mir dē ſin·
wiblich guͤte· min gemuͤte zuket hin·
Zvht vn̄ ellú ſchoͤne·
hat min frowe ach ſelig wip·
wiblich ſcham ǒch da bi·
fúrbas ich ſi kroͤne·
ſiſt voꝛ miſſewēde vꝛi
liebē lip ob alſam