Svmer ǒget ſine wūne·
dc iſt an der zit
pꝛuͤue er wol ſw̾ tihtē kv́ne·
Was mat̾ie lit·
an dē walde vn̄ vf d̾ heide bꝛeit·
wan mag ſchowē
wie die ǒwē
ſtāt bekleit
wc d̾ ang̾ lieht̾ blv̊mē treit·
Eſt ein alt geſpꝛochē woꝛt·
ſwa din h̾ze wōt da lit din hoꝛt·
ICh habe endelichē fvndē·
einē ſchoͤnē hort·
dē kos ich mir zeinē ſtvndē·
nvſt min herze doꝛt·
bi dē hoꝛde d̾ mir fuͤget pin·
dú vil reine·
wandels eine
mv̊s mir ſin·
hoꝛt in dē vil ſendē h̾zen min·
Eſt ein alt geſpꝛochē woꝛt·
ſwa din h̾ze wōt da lit din hoꝛt·
Min hoꝛt kan wol tvgēde hoꝛdē·
vn̄ hohē mv̊t·
dú mir iſt ze hoꝛde woꝛdē·
deſt min frowe gv̊t·
in d̾ guͤte loͤſe wol geſtalt·
ir gebarē
an den iarē
mich tv̊t alt·
ſwie ir tvgende doch ſi manigvalt·
Eſt ein alt geſpꝛochē woꝛt·
ſwa din h̾ze wōt da lit din hoꝛt·
Manig̾ der hat hoꝛt v̾boꝛgē·
des er troͤſtet ſich·
min hoꝛt get mir niht· wā ſoꝛgē·
vn̄ ſmehet mich·
min vil lieb̾ hoꝛt iſt mir alſo·
gar vnnútze·
mīne ſchútze·
cupido·
traf min h̾ze ſit bin ich vnfro·
Eſt ein alt geſpꝛochē woꝛt·
ſwa din h̾ze wōt da lit din hoꝛt·
Minne dv́ iſt gewalteklichē·
allē dingē obe·
ir kan niht vf erde entwichē·
es gevahe ir klobe·
wiſheit hoꝛt dv́ beide nigēt ir
mīne ſvͤſſe
kvmb̾ bvͤſſe·
nach der gir·
twinge minē hoꝛt geliche mir·
Eſt ein alt geſpꝛochē woꝛt·
ſwa din h̾ze wōt da lit din hoꝛt·