Sol ich mich rihtē nah dē â·
dc kan ich wol gezeigē wa·
da kere ich vf deſ meiſterſ ſla·
d̾ ê ſang vō d̾ nebel krâ·
vinde ich niht meiſt̾ſchefte da·
ſo kere ich mich her wid̾ ſa·
vn̄ kloph ich and̾ſwar dar na·
Genv̊ge die ſpꝛechēt ſinge als ê·
pꝛuͤfe vnſ die blv̊mē vn̄ dē kle·
die wellēt niht dc ich v̾ſtê·
wc mir dar an zeh̾zen gê·
ſwie vil ich in hie voꝛ geſchꝛe·
dc tet in in dē oꝛē we·
nvn wil ich ſi niht toͤiben me·
Ich mag wol ſpꝛechē bc owi·
dāne iemā d̾ nv lebēde ſi·
mir wont eī vngemvͤte bi·
dc ſw̾e machet als ein bli·
vn̄ het ich miner kreften dꝛi·
ich toꝛt als ein v̾vꝛoꝛneſ zwi·
dú liebe tůt mich ſoꝛgē vꝛi·
Ich froͤite mich do ſtůnt eſ ſo·
owe wā w̾e 155v es alſe do·
ſo ſtuͤnde min gemvͤte ho·
dvrch voꝛhte lieze ich noh durh dꝛo·
in wurde noh wol alſe vꝛo·
zv̊ der miner froͤidē zwo·
het ich die ſchonē vf ein ſtrô·
Ich mag wolwund̾ ſchꝛīe wû·
dc ich bin ſo v̾doꝛbē nv·
ia h̾re got wā vuͤgeſt dv·
dc ich niht lege in leides dꝛv·
ich han dē aker noh dē bv̂·
min ſleht dc iſt alleſ woꝛdē rv·
des mv̊s ih lidē ſpotes hv·