Sit ſich dú zit· alſo ſchone ze froͤiden hant geſtellet·
des were ich fro ſeht ſon lat mich ein wib·
deſt ane ſtrit· dc min h̾ze ſich hat zir geſellet·
es iſt ein not· dc ir lieplicher lip·
mir des erban· ob ich fro gerne were·
wib vn̄ man· wīſchēt dc ſi mir ringe die ſwere·
ders ane ſchulde vō herzen mir gan·
Ein wunder gros· wil ich kúndē ſwēne ich bin entſlafen·
ſo hab ich troſt vn̄ wūne vō ir·
Jr ermel blos· die ſchǒwe ich nach dem willē min waſen·
wer mag er ſin der an froͤiden ſich mir·
gelichen múge· ſwēne ich lige in den eren
eſt niht ein lúge· welle ab̾ iemē min h̾ze v̾keren·
d̾ weke mich ſwēne ich lige in der húge·
Si ſelig wib· mac wol ſwēne ſi wil mir v̾keren·
dē kvmb̾ min ſi hat gv̊te ſo vil·
ir reiner lip· ſol mich ſendē niht harter v̾ſeren·
din froͤide iſt tot ab dv́ liebe niht wil·
in kurzer ſtvnt· mine ſw̾e geringen·
ir roter mvnt· moͤhte mir ganze froͤide wol bꝛingen·
ſo wurde ich vꝛo vnd wer iemer geſvnt·