Si hat mich v̾wunt·
rehte al dvrch min ſele·
in den vil toͤtlichē grunt·
do ich ir tet kvnt·
dc ich tobte vn̄ quele·
vmb ir vil gvͤtlichē mvnt·
den bat ich zeiner ſtvnt·
dc er mich ze dienſte ir beuele·
vn̄ dc er mir ſtele·
vō ir ein ſenftes kv́ſſen ſo wer ich iemer geſvnt·
Wie wirde ich gehas·
ir vil roſevarwē mvnde·
des ich noch niender v̾gas·
doch ſo mvͤt mich das·
dc ſi mir zeiner ſtunde·
ſo mit gewalt voꝛ mir geſas·
deſ bin ich woꝛdē las·
alſo dc ich vil ſchiere wol geſvnde·
in der helle grunde·
v̾bꝛv̄ne e ich ir iem̾ diende in wiſſe vmbe wc·