Senender frúndinne botte nv ſage ir was ich lide·
dc mir tv̊t ane mâſſe we dc ich ſi ſo lange mide·
lieber het ich ir minne gelingen·
danne al der vogelline ſingen·
nv mv̊s ich vō ir geſcheiden ſin·
trurig iſt mir al das herze min·
Nv ſage dem ritter edele dc er ſich wol behvͤte·
vn̄ bite in ſchone weſen gemeit vn̄ lâſſen alles vngemvͤte·
ich mv̊s ofte ſin engelten·
dc er kvmt dē h̾zen min ſo ſelten·
an ſehendes leideſ han ich vil·
dc ich im ſelbe g̾ne klagē wil·
Es getet nie wib ſo wol an deheiner ſlahte ſinne·
dc al duhte gv̊t des bin ich wol woꝛden inne·
ſwer ſin lieb lat darvmbe·
dc kvmt vō ſwaches h̾zen tvmbe·
dē wil ich dē ſvmer vn̄ alles gv̊t·
widerteilē dvr ſinen vnſtetē mv̊t·