Selig ſi min libú frowe·
dú mir froͤit dc h̾ze mit dien ſinnē·
mir tůt wol ſwēne ich ſi ſchowe·
von ir guͤte mag ich heil gewinnē·
ſi iſt gar min troſt vúr ſende not·
vn̄ ǒch vúr vngemůte·
ir ſchoͤne lengert mir dē tot·
des bit ich got ir reinē lib behuͤte·
Jch froͤwe mich dc ich mag gedēkē·
ſwēne ich wil der herzeliebē frowē·
ſi kan ſendes trurē krēken·
mir tůt wol ſwēne ich ir lip ſol ſchowē·
ir bꝛune bꝛa ir ǒgē klar
ir mv̄t reht als er gluͤte·
ſwi v̾re ich ſi ich wúnſche ir dar·
vn̄ bite got ir reinē lib behuͤte·