Selig si min libú frowe·
dú mir froͤit dc herze mit dien sinnen·
mir tůt wol swenne ich si schowe·
von ir guͤte mag ich heil gewinnen·
si ist gar min trost vúr sende not·
vnd ǒch vúr vngemůte·
ir schoͤne lengert mir den tot·
des bit ich got ir reinen lib behuͤte·
Ich froͤwe mich dc ich mag gedenken·
swenne ich wil der herzelieben frowen·
si kan sendes truren krenken·
mir tůt wol swenne ich ir lip sol schowen·
ir brune bra ir ǒgen klar
ir mvnt reht als er gluͤte·
swi verre ich si ich wúnsche ir dar·
vnd bite got ir reinen lib behuͤte·