Roter mvnt sol gruͤssen·
steten frúnt dc sin truren gar zergê·
zuker kan wo svͤssen·
kvmt ein senf der tůt in den ǒgen we·
an dem weichen vinger stet vil lihte vor ein herter nagel·
von dem schure kvmt der hagel·
harm ist blank vnd hat doch swarzen zagel·
Ich wil minne werben·
gv̊t wib sage ist din lib vúr truren gv̊t·
so la niht verderben·
froͤide an mir kanst dv geben hohen mv̊t·
in han niht versv̊chet wie dú minne ir frúndes kvnne pflegen·
swer bi liebe hat gelegen·
der sol dar senden sinen morgen segen·