Rot̾ mvnt ſol gruͤſſen·
ſtetē frúnt dc ſin trurē gar zergê·
zuker kan wo ſvͤſſen·
kvmt ein ſenf d̾ tůt in dē ǒgen we·
an dē weichē vinger ſtet vil lihte voꝛ ein herter nagel·
vō dē ſchure kvmt d̾ hagel·
harm iſt blank vn̄ hat doch ſwarzen zagel·
Ich wil mīne w̾bē·
gv̊t wib ſage iſt din lib vúr trurē gv̊t·
ſo la niht verd̾bē·
froͤide an mir kanſt dv gebē hohē mv̊t·
in han niht v̾ſv̊chet wie dú mīne ir frúndeſ kvnne pflegē·
ſw̾ bi liebe hat gelegē·
d̾ ſol dar ſendē ſinē moꝛgē ſegē·