Nv g̾te ich niht d̾ w̾lde me·
wā das ich ſolde wilent ſehē·
d̾ mir dc nie v́gas·
ſit ſi mir tv̊t mit gvͤte we·
vn̄ ir mines willē wart v̾iehē·
mit voꝛhte als ich ir woꝛt entzas·
do wc ir woꝛt ir w̾k ſo mīneklich vn̄ alles ir gebarē·
d̾ iem̾ nach dē wūſche ſchoneſ wibeſ ſolde varē·
der kvnde ſi nach minē dvnke ſchoͤner niht gemachē·
mich froͤite wer ich halb̾ tot
gerůchte mich ſo ſelig wib vo h̾zen an gelachē·
So ſvͤs lachē ſvͤzet mir·
dc iar die wile vn̄ ǒch dc lebē·
dc ich ſoꝛge heize vf hoher ſten·
ich weis die ſvͤzē ſelde an ir·
dú ſelde froͤide kan gegeben·
154r vō der wol truren mv̊s zergen·
wie moͤht alſo beſcheidenlich̾ gvͤte iht arges wider ſtritē·
in d̾ ſi mīnekliche lebt mit ſelden zallen ziten·
es mvͤſte wol ſin ein vſder maze nahgende ſwere·
da alſe werdes wibes troſt
den ſi wol gebe růchte ſis mir gv̊t zebuͤze were·
Gedinge ſoꝛge vlehen tůt·
mich voꝛ dē Iaren alt·
owe mir wie dc fuͤget ſi·
dc ſi mich weis alſo gemv̊t·
ſwie ſere ſi mir tůt gewalt·
dc ir min h̾ze iſt ſtete bi·
nv ſi eht ſtete ich wil mit ſige od̾ âne ſig belibē·
mir mag mī gv̊t gedinge noch die ſoꝛge wol v̾tribē·
ob mir ir genade genedeklich wirt erzeiget·
dc flehen ſvͤz an dem ende wirt·
ſo iſt alles dc ich we geſchꝛe mit froͤiden gar geſweiget·