MJn alte ſwere die klage ich fúr núwe·
wan ſi getwanc mich ſo harte nie me·
ich weiſ wol dvrch wc ſi mir tůt ſo we·
dc mich ſin v̾dꝛieſſe vn̄ dú not mich gerúwe·
die ich hate vf troſtlichē wan·
nein ine mac noh enlat·
mich mī trúwe·
ſwie ſchiere vns aber dú ſvmer zit zerge·
des wurde rat·
mvͤſe ich ir hulde han·
die neme ich fúr lǒp vn̄ fúr kle·
Ich getar niht voꝛ den lútē gebaren·
als es mir ſtat duhtes ir einē gůt·
da bi ſint viere den min leit ſanfte tůt·
boͤſe vn̄ gůte geſcheidē ie waren·
der ſitte mvͤſſe ǒch lanc ſtete ſin·
ir beider willen kan·
niemā gevaren·
wan er iſt vnw̾t ſwer voꝛ nide iſt behv̊t·
ſi haben dan·
dc ir vn̄ laſſen mir dc min·
vn̄ ſweme da gelinge der ſi wol gemv̊t·