Mir tv̊t min lob so selten wol·
dc mich wunderlichen wundert·
wie das so gevar·
we dc ich niht geniesen sol·
dc ichs vs han gesvndert·
mir zefroͤiden gar·
vnd ich an si alleine lones han gedinget·
swie mir ir trost die froͤide nie bringet·
so wirt das leit an mir gesehen·
dc leider leit vor meniger zit an nieman niht ist geschehen·
Solt ich geniezen dc ich bin·
vnd ie wc mit rehten trúwen·
wibes eren fro·
so moͤhte si mir hinnen hin·
wol min leit mit liebe núwen·
stvͤnde es iender so·
man sehe an mit den hohen mv̊t·
der alle die niht nides pflegent·
von schulden mvͤste dunken gv̊t·