Mir iſt ein loſer hoveſchalk· als ein kobolt vō buhſe·
ia wahſet ein vnkúſtig wilt vō wolf vn̄ ǒch vō vuhſe·
dc ſich zeinē luhſe· kan bildē ſchiere vn̄ alzehant·
dc ſelbe tier vnfrúhtig iſt vō arte es niht enkindet·
we dc d̾ vngetrúwe alſam niht an geburt erwindet·
ſwa dú ſchande bindet mā vn̄ wib ſere in ir bant·
da wolte ich dc an ir ſvn erwunde ir beider kúnne gar·
ob er neme ir ſittes war· vn̄ vf ir ſpoꝛ hie trete·
ſo w̾e es wol dc ſin geburt an ir dē bꝛeſtē hete·
da vō im keme niem̾ kint dc im geliche tete·
ſo zergienge vnſtete· dú valſchen h̾zen iſt bekant·