MIr iſt das h̾ze woꝛdē fro·
vmbe ein vil reine ſelig wib
des gat vf min gemvͤte hô·
ſi iſt mir lieb alſo der lib·
ich wil michs froͤwē offenbar·
an ir iſt alles wandels niht·
dc nim ich fúr ein kriſpeſ har·
Dv́ reinē wib mit gůtē ſitte·
die ſint wol aller erē wert·
die w̾den man lobe ich hiemitte·
got gebe in ſwes ir h̾ze gert·
wêr aldú welt gemeine alſo·
dar vmbe wolt ich lidē not·
vn̄ wolt ǒch mit in weſen fro·
Dv́ mir wol froͤide mag gegebē·
der lib iſt aller ſeldē ſchꝛin·
ach got wā ſolt ich iemer leben
vn̄ mv̊ſte ich dāne bi ir ſin·
ſo froͤit ich mich der liebē tage·
ſwēne ich min frowē ane ſihe
mir iſt wies alles roſē t̋ge·