MIr ist das herze worden fro·
vmbe ein vil reine selig wib
des gat vf min gemvͤte hô·
si ist mir lieb also der lib·
ich wil michs froͤwen offenbar·
an ir ist alles wandels niht·
dc nim ich fúr ein krispes har·
Dv́ reinen wib mit gůten sitte·
die sint wol aller eren wert·
die werden man lobe ich hiemitte·
got gebe in swes ir herze gert·
wêr aldú welt gemeine also·
dar vmbe wolt ich liden not·
vnd wolt ǒch mit in wesen fro·
Dv́ mir wol froͤide mag gegeben·
der lib ist aller selden schrin·
ach got wan solt ich iemer leben
vnd mv̊ste ich danne bi ir sin·
so froͤit ich mich der lieben tage·
swenne ich min frowen ane sihe
mir ist wies alles rosen trage·