Mir hete wilent zeiner ſtvnde·
ſo wol gedienet ein man·
das ich im wol gv̊tes gvnde·
des ich im nv niht gan·
ſit dc er den mv̊t gewan·
das er an mich eiſchen begvnde·
des ich im bas verzihen kan·
denne er es vmbe mich gewerben kvnde·
Jch wande das er houeſch were·
dar vmb wc ich im holt·
dc rede ich nv wol offenbere·
des iſt er von mir vn verſcholt·
des hab ich gv̊t gedolt·
ſin ſchade der iſt mir vnmere
er ieſch al ze richen ſolt·
des ich von im doch wol enbere·
Er gerte al ze vngefuͤger minne·
an mir der vant er niet·
das wiſſe er ſinē krāken ſinne·
das im ſin tvmpheit ſo geriet·
ſwc ſchaden im da von geſchiet·
des mac er wol w̾den inneṇ·
das er ſin ſpil niht wohl beſchiet·
er bꝛichet ê· das ers gewinne·