Mir hat ein liet von frankē·
der ſtolze miſſener bꝛaht· dc vert vō ludewige·
ich kan ims niht gedanken·
ſo wol als er min hat gedaht·
wan dc ich tiefe ime nige·
koͤnde ich ſwas iemā gv̊tes kan·
dc teilte ich mit dē w̾den man·
d̾ mir ſo hoher eren gan·
got mvͤſſe ǒch im die ſinē iemer merē·
zv̊ flieſſe im aller ſelden flus·
niht wildes mide ſinē ſchvs·
ſines hvndes lǒf ſins hoꝛneſ dvs·
erhelle im vn̄ erſchelle im wol nach eren·