Mir hat ein liet vō frankē·
der ſtolze miſſener bꝛaht· dc v̾t vō ludewige·
ich kan ims niht gedankē·
ſo wol als er min hat gedaht·
wan dc ich tiefe im nîge·
koͤnde ich ſwas iemā gv̊tes kan·
daſ teilte ich mit dem werden man·
der mir ſo hoher eren gan·
got mvͤſſe ǒch ime die ſinē iemer meren·
zv̊ flieſſe im all̾ ſelden flus·
niht wildes mide ſinē ſchus·
ſins hūdes louf ſins hoꝛnes dvs·
erhelle im vn̄ erſchelle im wol nach erē·