Min gemvͤte hoͤhet sich·
hohe mvͤze ir werder lip an selden sten·
dú so werdekliche mich·
kan getroͤsten das min truren mv̊z zergen·
swie si nah ir minneklichen gvͤte wil gebaren·
so widerivnge ich swc ich galtet bin in leiden iaren·
Leider iare wirt mir bůz·
so dú liebe reht lieb erkennen wil·
vnd ir svͤzen mvndes grůs·
mich so gruͤzet dc mir froͤide meret vil·
nach dem grůze wil ich also striteklichen werben·
wirt mir sin niht dc man mich vf der verte siht verderben·