Mich froͤit ane alle ſw̾e wol·
dc ich ſo liebú mere han v̾nomē·
der ich mich gerne troͤſtē ſol·
mir iſt der mv̊t vō groſſen ſoꝛgen komē·
ſit man d̾ ſtete mac genieſſen·
ſo enſol ir niemer mich v̾dꝛieſſē·
min h̾ze iſt ir mit trúwē bi·
freiſch aber es dú ſchoͤne dc es mit valſche ſi·
ſo laſſe ſi mich iemer mere fri·
Ich han nach wane dike wol·
geſvngen des mich and̾s niene beſtůnt·
vn̄ lobe iedoch als ich da ſol·
ſwa gůtú wib beſcheidenliche tv̊nt·
dc búte ich minen frúndē ze eren·
vn̄ wil in iemer froͤide meren·
min eines wurde lihte rat·
ſweſ mv̊t ie doch ze der w̾lte als d̾ mine ſtat·
ich wene er menege ſoꝛge vf ere hat·