Marke dv v̾ſink·
din lant iſt vnebē·
ich vn̄ manig flemink·
mv̊s hie vnſanfte lebē·
der da heime wol tútſchú buͤchel las·
der mv̊s riten vmbe fůter vn̄ gras·
in rúwet ſere dc er da heime niht en was·
Biſchof eberhart nv rume es hie·
dc dirs v̾gelte got·
ein wib ich heime lie·
dú iſt ein toͤꝛſchú krot·
die vberret vil lihte ein ander man·
ia garnet ſi es v̾henget ſin ir an·
vn̄ rúwet mih dc ich ſi ie gewan·
Dis iſt ein reinú vart·
die wir gegen beiern tůn·
biſchof eberhart·
nv ſi ein ſtetú ſv̊n·
ſit ich der marke den rugge han gekert·
des bat ich got nv hat er mich ſin gewert·
das vngemach trǒmte miner matzē vert·