Lieber ſvmer ſint die blv̊mē alle·
gar verdoꝛben vn̄ dú gruͤne heide·
von dem winter ſwies halt vns gevalle·
er benimt vns vil der ǒgenweide·
als ſwinde iſt ſin getwanc·
vn̄ dú zit der vogellin leider alzelanc·
Er enkan ſo ſere niht getwingē·
ich enwelle in froͤide helfen meren·
vn̄ hohe vs frîem mv̊te ſingen·
als kan d̾ ſin dc h̾ze leren·
we wie ſpꝛiche ich toꝛe das·
lieſſe mich min ſender mv̊t ſo ſvnge ich noch bas·
Wol in die nv tvgent vn̄ ere mīnen·
wol in die nv rehter trúwē walden·
die lobe Ich mit allen minē ſinnē·
vn̄ wúnſche in dc ſi mit ſelden alden·
er ſi man ald ſi ein wib·
ſelic mvͤſſens iemer ſin geeret ſi ir lip·