Lichte ein vnwiſer man v̾wuͤte·
vō ſoꝛgen der ich menge han·
ſwie ich mich noch davoꝛ behuͤte·
ſo hat got wol ze mir getan·
ſit er mich niht wolte erlan
ich neme ſi in min gemvͤte·
ioh engilte ich alze ſere ir gvͤte·
vn̄ ǒch der ſchoͤne die ſi hat·
litte ich dur got dc ſi an mir begat·
der ſele wurde rat·
Mich kvnde nieman des erwēdē·
ine welle ir weſen vndertan·
vn̄ wil min lebē alſo v̾enden·
ſwie ſi habe ze mir getan·
ſit ich des bottē niht enhan·
ſo wil ich ir dú lieder ſendē·
mv̊s ſich min lip von ir ellendē·
min h̾ze belibet doch da·
dc ſv̊che niemā anderſwa·
es kvnde ir niemer komē ze na·